Финансиран е од Министерството за образование и наука на Република Северна Македонија во рамките на Конкурсот за распределба на средства за финансирање на научно-истражувачки проекти на државните универзитети-факултети/научни институти/МАНУ за 2025 година.
Сајбер насилство во училишната средина претставува форма на насилство што се врши преку електронски средства за комуникација, преку најразлични дигитални уреди. Тоа подразбира објавување, испраќање или споделување навредливи, заканувачки, понижувачки, лажни или штетни текстови, фотографии, видеа или други содржини со намера да се повреди, понижи, заплаши или изолира поединец или група ученици.
Овој истражувачки проект се фокусира на употребата на дигиталните платформи и распространетоста на сајбер насилството во училишната средина, со цел да понуди нови сознанија и да го прошири научното знаење во оваа актуелна област. Проектот придонесува кон продлабочување на разбирањето на динамиката помеѓу дигиталната комуникација и појавата на сајбер насилство, анализирајќи ги факторите кои ги поттикнуваат овие појави.
Главната цел на проектот е да се испита како употребата на дигиталните платформи влијае на распространетоста, формите и интензитетот на сајбер насилството меѓу учениците во училишната средина. Во фокусот се односите меѓу дигиталната комуникација, индивидуалните и социјалните фактори, и појавата на различни видови насилство преку интернет.
